Sejarah

 SEJARAH MASUKNYA ISLAM KE MINANGKABAU

manuruik kaba dari para ahli sejarah bahwa Islam baru masuak ka Ranah Minang pado abad ka 7 Masehi.

Islam masuak dari siak (Riau), disinan bahimpunnyo sudagar-sudagar arab nan baniago jo Minangkabau, satiok urang nan datang dari siak alah masuak islam, sampai kini alim ulama dipanggia kan urang "siak". kedatangan islam merubah wajah minangkabau, sagalo ajaran yang manyimpang dari tauhid dirombak total, nan sasuai jo akidah tetap dipakai,

Nah, adat nan alah disempurnakan islam itulah nan dinamokan "ADAT BASANDI SYARA', SYARA' BASANDI KITABBULLAH, SYARA' MANGATO ADAT MAMAKAI".

apo sebab ideilogi lain nan singgah di minangkabau sadonyo ditulak kecuali islam ?

apo sebab adat mudah dan capek tunduak ka agamo Islam ?

jawabannyo, sebab hanyo Islam lah satu-satunyo ajaran nan punyo persamaan Pandang dengan falsafah adat budaya Minang.

setidak-tidaknyo ado 4 faktor nan manyamokan persepsi pandangan hidup sahinggo islam ditarimo di Minangkabau.

4 faktor itu adolah :

1 . Visi nan samo antaro Adat dan Agamo dalam menilai hakikat azasi Manusia, dimano keluhuran budi (Akhlak) menjadi takaran jo ukuran.

dalam pandangan urang minang martabat Manusia itu di ukur dari tinggi atau randahnyo budi seseorang, "Nan kuriak kendi nan merah sago,nan bayiak budi nan indah baso".

dan sebagaimana sabda Rasulullah Saw

"Innama bu’itstu liutammima makarimal akhlak"

( Sesungguhnya aku diutus untuk menyempurnakan akhlak Manusia ).

2. Persamaan pandang tentang peranan Akal dalam kehidupan untuak memilih antaro elok dan buruak, Adat Minangkabau mendidik urang Minang dengan mampagunokan Akal pikiran,

" Kunyah-kunyah sabalum dilulua, gamak-gamak sabalum dipacik "

artinyo : (barang sesuatu eloklah dipikia masak-masak sebelum mahangguak atau manggeleang).

adat manyuruah mampagunokan Akal dan islam adolah agamo urang Berakal,

sebagaimana sabda Rosulullah dalam sebuah hadist, " Agama (islam) itu untuk orang berakal, tidaklah agama bagi orang yang tidak berakal ".

3. Masyarakat Minangkabau tidak pernah mengklasifikasikan Manusia, tidak dikenal kasta-kasta nan membedakan hina atau mulia,

" duduak samo randah, tagak samo tinggi ".

Rasulullah mangatokan " laisa li'arabiyin fadlun 'ala 'ajamiyin illa bittaqwa"

(tidak ada kelebihan bangsa arab dengan bangsa lain kecuali taqwa nya).

sadonyo Manusia samo nan membedakan hanyolah Taqwa nyo, indak ado penganut kelas dua, tidak pernah ado golongan elit dan istimewa dalam islam, kasadonyo samo.

4. faktor terakhir yaitu raso Malu.

adonyo hati nurani nan paliang jujur di satiok pribadi manusia, adopun sosok Manusia itu terdiri dari duo unsur, yaitu unsur lahir dan unsur bathin (tubuah kasa jo jiwa nan tersembunyi), kalau tubuah indak bajiwa namonyo bangkai, sedangkan jiwa indak batubuah dikatokan Roh atau arwah, anggota badan bergerak dek perintah otak nan lataknyo di kapalo dan otak dikendalikan oleh kemauan nan dikatokan nafsu, kemudian Naluri manusia digerakan oleh hati nan letaknyo di dado dan hati dikendalikan oleh sesuatu nan paliang dalam namonyo "Qalbu".

urang mangatokanyo hati nurani dan alam fikiran urang minang manyabuiknyo "Raso",

pado hakikatnyo apo nan dimukasuik dengan raso itu sifatnyo sangat jujur, murni dan barasiah.

nan dikato bisikan raso diterjemahkan fikiran kemudiam disalurka ke batang tubuh mako eloklah parangai urang,

" alaa inna fil jasadi mudghah, idzaa shaluhat shaluha jasadu kulluhu waidzaa fasadat fasada jasadu kulluhu, alaa wahiyal qalbu"

( didalam tubuh manusia itu ada segumpal darah, apabila darah itu baik maka baiklah manusia dan apabila darah itu rusak maka rusaklah manusia itulah dia hati ).

 nah, zat raso itulah nan musti dibangkikan di diri satiok insan, dipupuak dilatih dan dipaharek sahinggo kekuasaanyo labiah dominan dalam batin, itulah nan kamanjadi sumber inspirasi terbentuknyo aturan dan kumpulan aturan itulah nan dinamokan Adat,

jadi adat itu adolah satu talago nan hulu aia nyo dari raso kemudian mailia manjadi laku perbuatan urang minang, indak ado adat bagi urang nan tidak punyo raso, indak berperasaan caro kasa nyo.

raso nan di dado manjalang fikiran dikapalo untuak diolah itulah nan dikatokan "raso dibaok naiak" sebaliknyo fikiran terjun ke dado untuak dipareso oleh hati itulah nan disabuik "pareso dibaok turun".

jikok indak ado raso pareso , budi kasa parangai jaek tangguanglah malu dinagari.

jikok niat buruak karajo salah, nilainyo doso murka Allah dan narako tantanganyo.

seseorang itu punyo harga diri dan inyo musti malu ka dirinyo mambuek doso, 

" al haya'u minal iman "

(malu itu satu bagian dari iman )

hadist riwayat bukhori muslim.

syara' dilangga banarako adat dilipua malu datang,

si muncak mati tarambau

kaparak mambaok ladiang

luko paho kaduonyo

adat jo syara' di munangkabau

sarupo aua dengan tabiang

sanda basanda kaduonyo.

itulah antaro lain 4 faktor nan mempertemukan adat jo Islam, walaupun banyak agamo dan ideologi lain nan datang ke minangkabau sebelum dan sesudah Islam tetapi tidak ditemukan tali penghubung seperti yang telah disebutkan, malah setelah proses pembaruan akhirnyo hukum-hukum syara' diletakan diposisi nan paliang terhormat sebagai rujukan hukum adat,

itulahnyo pengakuan nan mangatokan "Syara' mangato adat mamakai" kemudian dituangkan dalam deklarasi alim ulama dan niniak mamak di awal abad ke 18 nan terkenal dengan piagam bukik Marapalam yaitu "Adat basandi Syara', Syara' basandi Kitabullah" semenjak saat itu praktislah keberadaan adat bernaung dibawah Islam atau dapek disimpulkan bahwa Roh Islam mutlak menguasai satiok nafas baradat balimbago, sahinggo kalau seandainyo Minangkabau sebuah Negara mako negaranyo adolah Negara Islam, dan itu Pasti !!